വെള്ളി, നവംബര് 6, 2009, 12:08 [IST]
തിരുവനന്തപുരം: അരീക്കോട് തോണി ദുരന്തത്തില് മരിച്ച കുട്ടികളുടെ കുടുംബങ്ങള്ക്ക് അഞ്ച് ലക്ഷം രൂപ വീതം നല്കുമെന്ന് മുഖ്യമന്ത്രി വിഎസ് അച്യുതാനന്ദന് അറിയിച്ചു. അപകടം നടന്ന മൂര്ക്കനാട് കടവില് തൂക്കുപാലം നിര്മ്മിയ്ക്കുമെന്നും അദ്ദേഹം പറഞ്ഞു.
ചെറിയതുറ സംഘര്ഷത്തില് നാശനഷ്ടങ്ങള് സംഭവിച്ച കുടുംബങ്ങള്ക്ക് കലക്ടറുടെ റിപ്പോര്ട്ടിന്റെ അടിസ്ഥാനത്തില് നഷ്ടപരിഹാരം നല്കാനും മന്ത്രിസഭാ യോഗം തീരുമാനിച്ചു. തിരുവനന്തപുരത്ത് മന്ത്രിസഭാ തീരുമാനങ്ങള് വിശദീകരിയ്ക്കുകായയിരുന്നു മുഖ്യമന്ത്രി.
കൊല്ലത്ത് കാംപക്സ് ഓഫീസ് ഉദ്ഘാടനത്തിനിടെ ഭക്ഷ്യവിഷബാധയെക്കുറിച്ച് ക്രൈംബ്രാഞ്ച് അന്വേഷിയ്ക്കുമെന്ന് മുഖ്യമന്ത്രി അറിയിച്ചു. സംസ്ഥാനത്തെ സ്കൂളുകളില് ആരോഗ്യ കായിക വിദ്യാഭ്യാസ പദ്ധതി നടപ്പാക്കാന് തീരുമാനമായി.
തേക്കടി ബോട്ട് ദുരന്തം അന്വേഷിക്കുന്നതിന് ഹൈക്കോടതി സിറ്റിങ് ജഡ്ജിയുടെ സേവനം വിട്ടുനല്കണമെന്ന് ഗവര്ണമെന്റിന്റെ അഭ്യര്ഥന പരിഗണിക്കാനവില്ലെന്ന് ഹൈക്കോടതി അറിയിച്ച സഹാചര്യത്തില് സിറ്റിങ് ജില്ലാ ജഡ്ജിയുടെ സേവനം ലഭ്യമാക്കാന് ഹൈക്കോടതിയോട് അപേക്ഷിക്കാനും മന്ത്രിസഭാ യോഗം തീരുമാനിച്ചു.